و افتكرت زمان فهان الوقت

لما تعبنا نفسيا اوي ف التدريبات بتاع الجيش و كنت قاعد انا و كم واحد من اصحابي كل واحد بيقول هو قد ايه مخنوق و قرفان و التاني يحاول يواسيه

قلتلهم كله هيفوت انا من كم يوم مسكت الكشكول و بالصدفه لقيتني بقرأ كلامنا لما كنا في مركز تدريب الكينج و قد ايه كنا كلنا قرفانين و تعبانين و بنلعن اليوم الي دخلنا فيه الجيش .. الغريب ان لقيتني بفتكر الايام دي بصعوبه شويه و اهو عدت و خلصت

و قلتلهم افتكرت وقتها  زمااان كنت بروح احفظ قرآن و لأني مش بعرف احفظ بسهوله كنت مشكلتي الوحيده فالحياة ان اروح للشيخ لأني مش هسمع و كل يوم بدعي ان الشيخ يموت او يلغي اليوم و كل يوم كنت كدا

مع ان كل يوم كان بيعدي عادي جداا و لا في اي مشاكل و دلوقت عدت برضو و فاكرها ايام بالقوه

كل مصيبه ف حياتنا بتعدي و بتاخد وقتها

بتوجع النهارده بس بكره هتنسي ان في حاجه وجعتك اصلا ..

الانسان بيتولد وهو بيصرخ و بيموت وهو بينازع

يعني مولود علي الالم فـ الالم ده مش جديد عليه ده شئ طبيعي عنده و ملازمه طول فترات حياته من يوم ما اتولد ليوم ما يموت

فـ المفترض انك تتعلم ازاي تتاقلم معاه و تستفيد منه و ميكونش هو مشكلتك ف الحياة

كل يوم ربع ساعه مع نفسك في سكون تاااااااام و صمت  و كل الي ف دماغك انك تتخلص من اي حاجه في دماغك وحشك

قرر كل يوم تسامح حد زعلك و تحب حد بتكرهه … حاول  كل يوم تعمل هدنه مع نفسك  و مع الحياة

حاول تنسي حاجه بتكرهها في حد و حاول ان حد انت بتكرهه تفتكرله حاجه كويسه

حاول تذود الطاقه الايجابيه جواك ناحية الناس و تقلل من غضبك منهم و تخوينك و كرهك

عيش 6 ساعات في كل اسبوع بقلبك بس من غير ما تفكر كل حاجه تحسها اعملها حتى لو هتشرب مخدرات بس ادي لقلبك الي هو عاوزه

و لو في لحظه حسيت انك متضايق روح مكان بعيد .. بعيد عن الناس و اصرخ اوي و عيط .. و ارجع روح لحد من اصحابك العبو فيفا مع بعض و هيس مع الناس اوي …

من مكان عالي و قول كلام يفرحك و يخليك تضحك

اتصل برقم غريب قوله انا محمد لو حد اتصل بيا عندك قوله اني مش موجود

اي حاجه غريبه

بس اسال نفسك كل ما تحس الحزن سيطر عليك

هو ايه الفايده من الحزن هترجع الي راح !

و يا تري الي انا حزين بسببه ده بيفكر فيا و حزين عليا زي ما اانا حزين عليه

و لو هو حزين عليك و انت حزين عليه ليه تسيبه حزين طالما بتحبه

اتصل بيه قوله عاوز اقعد معاك و نتفاهم

اكيد هتوصلو لحل احسن بس انو انتو الاتنين التفاهم وابدا كلامك معاه بهديه بسيطه بدون مناسبه حتى لو شيكولاته بنص جنيه ..

اكسب الناس و متخليش حزنك يخليك تخسرهم

و ابعد عن اي حاجه تسجنك جوا سجن حزنك .