الانهيار و الاستسلام و الاحباط … ما يجعل الكثيرون ممن هم معرضون له لا يظهر عليهم ذلك هو قدرتهم علي ابتكار طرق جديده لتفريغ طاقاتهم
لا شرط في نوع تلك الطريقه من الصالحات ام غيرها
المبدعون في ابتكار ذلك قادرون علي تخطي تلك الازمان
ارقص .. و اتنطط ف الشارع ..
صرخ باعلي صوتك
اكتب تدوينات حتي لو تافهه او محدش بيقراها غيرك زي دي مثلا ؟
جربت تشرب حشيش .. ؟
الشيشه حلوه مش زي ما الناس فاكراها جربها بس متتعودش عليها ..
مثلا جربت تجري في طريق زحمه !!
صاحب ناس جديده
جرب تزور دكتور نفسي و ترخم عليه
في ناس عندها طرق غريبه .. مثلا في ناس بتعرف تفرغ طاقتها بالسكوت الكتير
انت اكبر مشكلتك في الحياة ممكن تكون لأنك معرفتش تقول لأ انا مش هنهار حتي لو ذاد القهر
لو بقيت مسخرة القعده و حسيت ان كل حاجه ضدك
لو حسيت انك لأول مره هتفشل .. و انك كل حاجه بتعرفها بتبوظ منك
قول لأ هتعلم من جديد و هبدأ من جديد و هعمل نقطة رجوع
جربت تقول انا هعمل حاجه جديده يمكن تطلع حلوه ؟
اعرف واحد صاحبي قرر في ربع ساعه انه هيتجوز .. و قدر في خلال 3 شهور يجهز و يتجوز
الحياة معايا مش وردي بعد ما سافرت في حاجات اجمل ما كنت اتوقع .. و في حاجات اصعب و اسوأ من طاقتي
و الاسوأ اني كل حاجه عارفها او بتعلمها بتضيع علطول و بتحط في مشاكل كل ساعه تقريبا .
بس !!
كلمة قديمه قلتها كتير : قرر تاخد قرار
قرر تلاقي طرق جديده تفرغ بيها طاقتك قبل ما تلاقي نفسك مفيش قدامك غير الاستسلام و الكآبه
قرر تضحك ” يا ابن النكديه ” 🙂
النوت دي حلوه شويه بحبها حاجات بسيطه .. هبله .. بس تبسط
مدونة عزمي 